Шу йилнинг мартида америкалик киноюлдуз Сандра Буллок (57 ёшда) актёрлик фаолиятини тўхататишини айтиб, мухлисларини ларзага солганди.

Актрисанинг ижодини қадрловчилар икки-уч ой оиласида бағрида дам олгач, у албатта қайтишини кутишганди. Афтидан таътил узооқ чўзиладиган кўринади: Буллок қачондир кинога қайтишни истайдими-йўқми, бир нима деёлмаслигини айтди.

Икки карра «Оскар» соҳибаси яна кинога қайтиш учун ўзида куч топа олишига ишонмаяпти. Ҳозирча. Демак, таътил чўзилади.

«Кимнингдир тартиб-қоидаларига қарам бўлиб қолгим йўқ. Қаттиқ чарчадим. Шунчаликки, ақлли, тузук-қуруқ қарорга келолмаяпман. Буни энди англаяпман», — иқрор бўлди Сандра Баллок.

Актриса ҳозирги ҳолатини ҳар гал музлаткични очиб ҳар сафар ўзи истаган нарсасини тополмаётган одамникига ўхшатди. «Шунинг учун тўхташга, шартли музлаткичдаги нарсани қидиришни бас қилишга қарор қилдим, барибир у нарса йўқ. Уни ўзимдан қидиришим, ҳаммасини тартибга келтиришим керак», — деди у «The Hollywood Reporter» нашрига берган интервьюсида.

Сандра Баллок бор вақтини оиласи ва болаларига сарфламоқда, дейилади хабарда.