Жорий йилда Фармацевтика маҳсулотлари хавфсизлиги марказига Ҳуқуқни муҳофаза қилиш органлари ва тиббиёт ташкилотлари ҳамда фуқаролар томонидан дори воситалари ва тиббий буюмларни экспертиза қилиш юзасидан 1 671 та мурожаат келиб тушди.

ССВ ҳузуридаги «Фармацевтика маҳсулотлари хавфсизлиги маркази» берган маълумотга кўра, ушбу мурожаатлар асосида тақдим қилинган фармацевтика маҳсулотлари ўрнатилган тартибда лаборатория текширувидан ўтказилган.

Таҳлил натижаларига кўра эса:

• 6 304 турдаги 1 334 598 ўрам дори воситаларининг тиббиёт амалиётида қўллаш мумкин эмаслиги;
• 2 288 турдаги 542 709 ўрам дори воситаларининг мувофиқлик сертификатлари мавжуд эмаслиги;
• 241 турдаги 11 747 ўрам дори воситалари ёрлиқлаш кўрсаткичи бўйича номувофиқлиги;
• 152 турдаги 1 278 ўрам дори воситалари яроқлилик муддати ўтганлиги;
• 68 турдаги 7 029 ўрам дори воситаларининг қалбакилаштирилганлиги аниқланганлиги тўғрисида экспертиза хулосалари берилган.

Ҳамда ушбу сифатсиз, қалбакилаштирилган ҳамда Ўзбекистон Республикасига ноқонуний кириб келган фармацевтика маҳсулотлари айланмасининг олди олинган.