Самарқандда танишининг бошига болта билан туширган шахс қамоққа олинди
![Самарқандда танишининг бошига болта билан туширган шахс қамоққа олинди](http://static.xabar.uz/crop/2/4/720_460_95_2455018886.jpg)
Жорий йил 8 июл куни Самарқанд вилояти Иштихон тумани Дехқонобод маҳалласида яшовчи С.Ш. бошидан олган оғир тан жароҳатлари сабаб ҳудудий тиббиёт бирлашмасига мурожаат қилган.
Вилоят ИИБнинг ҳолат юзасидан олиб борган терговга қадар текширув ҳаракатлари давомида ўша куни соат 10:30 ларда С.Ш. таниши, Қ.Р. билан ўзаро келишмовчилик натижасида жанжаллашиб қолгани ва натижада Қ.Р. бошқарувидаги «Tico» русумли автомашинаси юкхонасида бўлган хўжалик болтаси билан С.Ш.нинг бош соҳаси орқа қисмига бир марта уриб, оғир тан жароҳати етказгани аниқланган.
Мазкур ҳолат юзасидан Иштихон тумани ИИБ хузуридаги Тергов бўлими томонидан Жиноят кодексининг 104-моддаси 2-қисми «л» банди билан жиноят иши қўзғатилган.
Гумонланувчи процессуал тартибда ушланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter