Калифорния (АҚШ)даги ўт ўчириш бўлинмасида 1901 йилдан буён куймасдан ёниб турган лампочка сайёҳлар орасида оммалашиб кетди, деб ёзмоқда Daily Mail.

Бу йил ёзда лампочка ёндирилганига 125 йил тўлади. Гиннесснинг рекордлар китоби уни дунёдаги энг узоқ ёнаётган ва Шимолий Калифорниянинг энг ғайриоддий диққатга сазовор жойларидан бири деб тан олди.

1897 йилда ишлаб чиқарилган бу лампочка 4 ватт нур чиқаради. 125 йил давомида у бир неча бор ўчирилган, бунга кўпинча ўт ўчириш бўлинмасининг бошқа ерга кўчирилиши сабаб бўлган. Охирги ўчиш 2013 йилда генератор батареяси қуввати тугагани учун содир бўлган.

Экспертлар лампочканинг узоқ ишлашини унинг дизайнига боғлиқ, дейишмоқда. Қисқа муддатга мўлжалланган замонавий лампочкалардан фарқи, у ўта қалин чўғланиш толасига эга, қайта ишланган целлюлоза ва тобланган углерод ядросидан тайёрланган.

Лампочка ишлаб чиқарувчиси Огайо штатидаги Shelby Electric Company ҳисобланади. Компания 1912 йилда General Electric томонидан сотиб олингандан кейин бундай лампочкаларни чиқариш тўхтатилган.