Андроид қурилмалар учун Xabar.uz мобил иловаси. Юклаб олиш ×

АҚШ Россияга қарши янги санкциялар пакетини жорий қилди

АҚШ Россияга қарши янги санкциялар пакетини жорий қилди

Қўшма Штатлар Россияга қарши янги санкциялар пакетини жорий қилди, чекловлар ўнлаб жисмоний ва юридик шахсларга таъсир кўрсатди.

Чекловлар Россия Марказий банки раиси Элвира Набиуллина, бош вазир ўринбосари Александр Новак, шунингдек, Хавфсизлик кенгаши раиси ўринбосари Дмитрий Медведев, Мудофаа вазири Сергей Шойгу, Бош вазир Михаил Мишустин ва РФ Миллий гвардияси бошлиғи Виктор Золотовларнинг ўзлари ҳамда оила аъзолари га тааллуқлидир.

Шунингдек, санкциялар рўйхатига қатор юридик шахслар ҳам киритилган. Жумладан, «Электрон уруш илмий-техника маркази» АЖ, «Модул» ЁАЖ, «Новостреам» МЧЖ, «Радиавионика» МЧЖ, «Светлогорскхимволокно» ОАЖ ва бошқа корхоналар ҳамда тегишли шахслар санкциялар рўйхатига киритилди.

АҚШ давлат котиби Энтони Блинкен жами 910 киши АҚШ визаси бўйича янги чекловларга дучор бўлганини маълум қилган. Булар қаторига, жумладан, Россия ва Беларус қуролли кучлари таркибидаги айрим шахслар ҳам киритилган.

«Шунингдек, санкциялар пакети Давлат Думасининг 109 депутати ва Россия Федерация Кенгашининг 169 аъзосига тегишли», – деди у.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг