АҚШ Украинага қурол етказишни музлатиши мумкин — WSJ
Киевга қурол сотишни молиялаштиришни тўхтатган Доналд Трамп маъмурияти энди Америка захираларидан қурол етказишни музлатиш масаласини кўриб чиқяпти. Бу ҳақда The Wall Street хабар берди.
Ушбу ҳолат Украинанинг жанговар ҳаракатлар олиб бориш қобилиятини хавф остига қўяди, деб ёзди нашр.
Трамп маъмуриятининг хорижга ёрдамни музлатиш ҳаракатлари доирасида сўнгги ҳафталарда Украинани қуроллантиришни молиялаштириш тўхтатилган эди. Бироқ Трамп ва Зеленскийнинг Оқ уйдаги учрашувидан сўнг Киевни қурол билан таъминловчи асосий каналнинг ёпилиши томон жиддий қадам ташланди, дейилади WSJ хабарида.
Душанба куни Оқ уйда белгиланган мажлисда Украинага ҳарбий кўмак кўрсатишни тўхтатиш масаласи кўриб чиқилди. Бу ҳақда The New York Times газетаси ҳам хабар берган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter
Изоҳлар мавжуд эмас