Бу мамлакат ЕИда биринчи бўлиб COVID-19га қарши жамоавий иммунитетга эришди
Мальта коронавирусга қарши жамоавий иммунитетга эришди, аҳолининг 42%и тўлиқ иммунизациядан ўтган, дея соғлиқни сақлаш вазири Крис Фернга таяниб «Times of Malta» хабар беради.
«Бугун биз жамоавий иммунитетга эришдик. Вакцина — вирусга қарши қурол», — дея Ферн сўзларини келтирмоқда газета.
Шунингдек, вазир душанба кунига келиб мамлакат аҳолисининг 70 фоизи коронавирусга қарши вакцинанинг ҳеч бўлмаганда битта дозаси билан эмланишини таъкидлади. Июль ойидан бошлаб тўлиқ иммунизациядан ўтганлар учун ташқарида ниқоб тақиш мажбурий бўлмайди. Касалликлар сони камайишига қараб чекловлар янада юмшатилиши режалаштирилмоқда. Яқин кунларда вакцинация сертификатларини жорий этиш ҳам кўзда тутилган.
Мамлакатда эмлаш 16 ёш ва ундан катта фуқаролар орасида ўтказилади. Pfizer/BioNtech, AstraZeneca, Moderna ва Johnson & Johnson препаратларидан фойдаланилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter