Бугун, 11 март кечаси (бизнинг вақт билан 12 март, тунги соат 01:00 да) «Парк де Пренс»да «ПСЖ» (Франция) — «Боруссия Дортмунд» (Германия) УЕФА Чемпионлар лигаси плей-офф босқичи доирасидаги жавоб учрашувини ўтказади.

Ўз уйидаги биринчи учрашувда «Боруссия» 2:1 ҳисобида ғалаба қозонган.

Чорак финалга чиқиш учун

«ПСЖ» кейинга босқичга чиқиши учун рақибини 1:0 ёки иккита гол фарқи билан ютиши шарт. Ҳисоб 2:1 ҳолатига келиб қолса, қўшимча вақт белгиланади.

«Боруссия»ни исталган ҳисобдаги ғалаба ёки дуранг, 0:1 ва 1:2 дан ташқари исталган битта гол фарқли мағлубият ҳам сорак финалга олиб чиқади.

Жамоаларнинг ҳолати

«ПСЖ» барча турнирлардаги охирги учта ўйинда ғалаба қозонган.

«Боруссия» барча турнирларда охирги беш ўйинда рақибларини енгган.

Ўйинчиларнинг ҳолати

«ПСЖ»га ҳимоячи Менье, яримҳимоячилар — Верратти (дисквалификация) ва Эррера (жароҳат) ёрдам бера олмайди.

«Боруссия»да эса яримҳимоячилар — Дилейни ва Ройс (жароҳат) ўйинга тушмайди.

Тахминий таркиблар:

«ПСЖ»: Навас — Керер, Тьяго Силва, Кимпембе, Кюрзава — Ди Мария, Маркиньос, Гуйе, Неймар — Кавани, Мбаппе.

«Боруссия»: Бюрки — Загаду, Хуммельс, Пищек — Ҳакими, Жан, Витсель, Геррейру — Санчо, Ҳоланд, Брандт.