COVID-19: Британияда энг қуйи ўлим даражаси қайд этилди
Британияда COVID-19 қурбонлари сони бир кеча-кундузда 288 тага кўпайди. Бу мартнинг охиридан бери энг қуйи кўрсаткич ҳисобланади, дея хабар берди соғлиқни сақлаш вазири Мэтт Хэнкок.
«Афсуски, 28 734 киши коронавирусдан вафот этди. Бир кеча-кундузда 288 кишига кўпайди. Бу мартнинг охиридан бери энг қуйи кўрсаткичдир. Бироқ одатда дам олиш кунлари паст бўлади. Шундай экан, ошиши мумкин», — деди Хэнкок пресс-брифингда.
Якшанба куни вафот этганлар сони 28 446 кишига етди, кунлик ўсиш 315 кишини ташкил этган.
Касалликка чалинганлар сони бир кеча-кундузда 3985 кишига кўпайиб, жами 190 584 кишига етди, дея қўшиб қўйди Хэнкок.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter