Футбол мухлислари интиқиб кетган Европа чемпионлар лигаси плей-офф босқичи бошланди. Бугун икки қизиқарли учрашув мухлислар эътиборига ҳавола этилди. «Базель» ўз майдонида «Манчестер Сити»ни қабул қилган бўлса, «Ювентус» Туринда «Тоттенхэм» билан куч синашди.

Англияда тобора енгилмас жамоага айланиб бораётган «Манчестер Сити» чемпионлар лигасида ҳам ўз кучини кўрсатди. Гвардиола шогирдлари Швейцария жамоаси дарвозасига жавобсиз тўртта гол урди.

Яна бир инглиз клуби «Тоттенхэм» эса Италияда «Ювентус» меҳмони бўлди. Ўйиннинг дастлабки 10 дақиқасида икки гол уриб, олдинга чиқиб олган туринликлар ғалабани сақлаб қола олишмади. Чемпионлар лигаси тарихидаги энг тез дублга эришган Игуаиннинг голларига Кейн ва Эриксен жавоб қайтарди.

Европа чемпионлар лигаси 1/8 финал. Биринчи учрашув

Базель (Швейцария) – Манчестер Сити (Англия) 0:4
Голлар: 0:1 – 14 Гюндоган, 0:2 – 18 Бернарду Силва, 0:3 – 23 Агуэро, 0:4 – 53 Гюндоган.

Ювентус (Италия) – Тоттенхэм (Англия) 2:2
Голлар: 1:0 – 2 Игуаин, 2:0 – 9, пенальти Игуаин, 2:1 – 35 Кейн, 2:2 – 71 Эриксен.