Евроиттифоқ АҚШ божларига жавоб беришга тайёр – Еврокомиссия раҳбари
Еврокомиссия раҳбари АҚШ ҳукумати жорий қилган савдо божларини «бутун дунё бизнеси ва истеъмолчиларига жиддий зарба» деб атади.
Унинг қўшимча қилишича, кўплаб европаликлар ўзларининг энг қадимги иттифоқчилари томонидан хиёнатга учраганини ҳис қилишган, аммо Европа жавоб беришга тайёр ва ҳозирданоқ биринчи қарши чоралар пакетини тайёрламоқда.
«Биз жавоб беришга тайёрмиз. Аллақачон АҚШнинг пўлат импорти учун тарифларига қарши жавоб чораларининг биринчи пакетини келишиб олдик. Биз музокаралар муваффақиятсизликка учраган тақдирда ўз манфаатларимиз ва бизнесимизни ҳимоя қилиш учун навбатдаги қарши чораларга тайёргарлик кўраяпмиз. Лекин муқобил йўл бор, музокаралар олиб боришга ҳали кеч эмас», – дейди Урсула фон дер Ляйен.
Эслатиб ўтамиз, бир муддат олдин Трамп маъмурияти дунё бўйлаб жами 187 та мамлакатга нисбатан импорт божларини эълон қилган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter