Европа лигасининг 2025/2026 йилги мавсуми ҳал қилувчи паллага кирди. 26 феврал санасида нимчорак финалнинг сўнгги иштирокчиларини аниқлаб берган жавоб ўйинлари бўлиб ўтди.

Европа лигаси. Барча жавоб ўйинларининг натижалари:

• Штутгарт — Селтик 0:1 (умумий ҳисоб 4:2)
• Црвена Звезда — Лилл 0:2 (умумий ҳисоб 1:2)
• Виктория Плзен — Панатинаикос 1:1 (умумий ҳисоб 3:3, пеналтилар бўйича «Виктория» ғалаба қозонди).
• Ференцварош — Лудогорец 2:0 (умумий ҳисоб 3:2)
• Селта — ПАОК 1:0 (умумий ҳисоб 3:1)
• Болоня — Бранн 1:0 (умумий ҳисоб 2:0)
• Ноттингем Форест — Фенербаҳче 1:2 (умумий ҳисоб 4:2)
• Генк — Динамо Загреб 3:3 (умумий ҳисоб 6:4)

Плей-офф босқичидан ўтган 8 та жамоа гуруҳ босқичида тўғридан-тўғри йўлланма олган 8 та жамоага қўшилди. Энди мусобақада қуйидаги 16 жамоа курашни давом эттиради:

Тўғридан-тўғри чиққанлар: «Лион», «Астон Вилла», «Митюлланд», «Реал Бетис», «Порту», «Брага», «Фрайбург», «Рома».

Плей-офф орқали чиққанлар: «Штутгарт», «Лилл», «Ференцварош», «Виктория Плзен», «Болоня», «Селта», «Генк», «Ноттингем Форест».

Бугун, 27 феврал куни Нйон шаҳрида (Швейцария) нимчорак финал жуфтликларини аниқлаш учун қуръа ташланади. Ўйинлар 12 ва 19 март кунларига белгиланган.