Греция терма жамоаси футболчиси жонсиз ҳолда топилди
9 октябр оқшомида Греция терма жамоаси ва «Панатинаикос» клубининг 31 ёшли ҳимоячиси Жорж Балдокнинг жасади ижарага олинган уйнинг сузиш ҳавзасидан топилди.
Sport24.gr хабарига кўра, ҳалок бўлган футболчининг жасадини уй эгаси топиб олган. Хотини бир неча соат давомида у билан боғлана олмагач, уй эгасидан қидириб кўришни илтимос қилган.
Ҳуқуқ-тартибот идоралари тергов олиб бормоқда. Ўлим сабаби ҳозирча номаълум. Дастлабки маълумотларга кўра, футболчининг танасида жароҳатлар топилмаган.
Англиянинг бешта клубида тўп сурган Жорж Балдок 2023 йилнинг 29 майидан бошлаб «Панатинаикос» билан шартнома имзолаганди.
Балдок Греция терма жамоасида 2022 йилнинг 2 июнидан буён ўйнаб келаётганди ва 12 та учрашувда майдонга тушганди. Жорж ушбу ҳафтада ҳам ўз терма жамоаси либосида ўйин ўтказиши лозим эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter