АҚШнинг Нью-Йорк штати нафақат АҚШ, балки дунё миқёсида ҳам коронавирус пандемиясидан энг кўп азият чекаётган ҳудуд. Қаттиқ карантин чоралари қўлланаётган бўлса-да, штатда видеоалоқа воситасида никоҳ маросимлари ўтказишга рухсат берилди.

Бу ҳақда штат губернатори Эндрю Куомо «Твиттер» орқали маълум қилди.

NEW: I am issuing an Executive Order allowing New Yorkers to obtain a marriage license remotely and allowing clerks to perform ceremonies via video conference.

— Andrew Cuomo (@NYGovCuomo) April 18, 2020

Куомо олдин ўтказилган матбуот анжуманида «никоҳ ҳақида гап бораркан ҳеч қандай «ҳа» ёки «йўқ»қа ўрин йўқлигини, буни «Zoom» (илова) ёрдамида амалга ошириш мумкинлигини айтиб ҳазиллашганди.

Эслатиб ўтамиз, шу пайтгача, Нью-Йорк штати қонунчилигига кўра, масофадан туриб никоҳдан ўтиш ман этилган, келин ва куёвнинг шахсан келишлари талаб этиларди.

Нью-Йорк штатидаги никоҳни қайд этувчи кўплаб муассасалар COVID-19 пандемияси муносабати билан ёпилганди. Энди, губернаторнинг шахсан ўзи, амалдаги қонунни вақтинча истисно этган ҳолда, масофадан туриб ҳам никоҳдан ўтишга рухсат берди.