Ҳудудларда 33 мингта трансформатор эскиргани маълум қилинди
![Ҳудудларда 33 мингта трансформатор эскиргани маълум қилинди](http://static.xabar.uz/crop/3/9/720_460_95_3999636172.jpg)
Йиғилишда энергетика тизимининг куз-қиш мавсумига тайёрлиги кўриб чиқилди.
Сўнгги беш йилда тармоқ ва трансформаторларни модернизация қилишга 4 триллион сўмдан зиёд маблағ ажратилгани таъкидланди.
Лекин, айрим вилоят ҳокимлари ўзлари ҳаракат қилиб, маҳаллаларда трансформатор ва тармоқларни яхшилашга, куз-қишни беталафот ўтказиш учун маблағлар, трансформатор, сим ва бошқа эҳтиёт қисмлар захирасини шакллантиришга етарли эътибор қаратмаётгани кўрсатиб ўтилди.
Умуман, ҳудудлардаги 33 мингта трансформатор, 122 минг километр электр тармоқлари эскирган, оқибатда ишлаб чиқарилган электрнинг 12 фоизи йўқотилган. 20 та туманда электр йўқотишлари ҳажми республика кўрсаткичидан 1,5 баробар юқори.
Шу муносабат билан Энергетика вазирлигига ҳудудларда эскирган трансформатор ва тармоқларни янгилаш бўйича уч йиллик дастур ишлаб чиқиш, вилоят ҳокимлари ва прокурорларига дастурни амалга ошириш юзасидан топшириқлар берилди.
2026 йилга бориб жами йўқотишлар ҳажмини 8 фоизга тушириш шартлиги таъкидланди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter