Илон Маск илк бор «Forbes» миллиардерлари рўйхатида иккинчи ўринга кўтарилди
SpaceX ва Tesla асосчиси Илон Маск илк бор «Forbes Real-Time» миллиардерлар рўйхатида иккинчи ўринга кўтарилди.
«Forbes» маълумотларига кўра, 8 декабрь куни Маскнинг бойлиги 1,6 миллиард долларга кўпайиб, 144,7 миллиардни ташкил этди. BBI маълумотларига кўра эса 1,84 миллиард долларга кўпайиб, 157 миллиард долларга етган.
Биринчи ўринни «Amazon» асосчиси Жефф Безос эгаллаган бўлса, «Microsoft» асосчиси Билл Гейтсга учинчи ўрин насиб этган. «Louis Vuitton Moët Hennessy» президенти Бернард Арно тўртинчи, «Facebook» асосчиси Марк Цукерберг эса бешинчи поғонадан жой олишди.
Шу билан бирга, Bloomberg Billionaires Index (BBI) рейтингида Маск ноябрь ойидан бери иккинчи ўринни банд этиб келмоқда. Ўшанда тадбиркорнинг бойлиги бир ҳафта ичида 13,5 миллиард долларга кўпайгани маълум қилинганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter