Шимолий Италияда ноқулай об-ҳаво давом этмоқда. Кун бўйи ёмғир ёғиши кузатилган. Бу кўчки ва сув тошқинларига сабаб бўлди. Сув сатҳи кўтарилди, дарёлар қирғоқларидан тошиб кетди ва бутун маҳаллаларни сув босди. 

 Виченца ҳудудида 65 ёшли ота ва 21 ёшли ўғил ҳалок бўлди. Улар кўнгилли бўлган ва фуқароларга ёрдам беришган, бироқ  Ано дарёсидан ўтаётганда кўприк қулаб тушган ва эркаклар билан машинани оқим олиб кетган. 

 "Бу бутун минтақа учун фожиали йўқотиш. Улар ёрдам беришни хоҳлашди ва ўзлари қурбон бўлишди", деди Венето вилояти раҳбари Лука Зая. 

 Турин яқинидаги Монтеу да По шаҳрида 92 ёшли собиқ дурадгор ўз уйида чўкиб кетди. Неаполда ҳалокатда яна тўрт киши ҳалок бўлди. Бир киши тирик қолган, аммо жиддий жароҳат олган. 

Туринда Италиянинг энг йирик дарёси По тошиб, шаҳар кўчалари ва марказий майдонларини сув босди. Фавқулодда вазиятларни бартараф этиш хизматлари вазиятни кузатиб бормоқда. 

Миланда улкан дарахтлар тўхтаб турган машиналар устига қулади. Пиэдмонт вилоятида эса бутун туманлар сув остида қолган.