Машина катталигидаги астероид Ернинг ёнгинасидан ўтиб кетди
Астрономлар 24 мартдан 25 мартга ўтар кечаси, яъни бир кун қолганида (!) 2022 FD1 астероиди Ерга яқинлашаётганини аниқлашди. Бугун кундузи у Ерга жуда яқин масофада ўтиб кетди.
Астероид Ердан 8 минг километр олисликда ўтган — фазовий қаричларда бу жуда-жуда яқин масофа. Фазовий жисмнинг диаметри икки-уч метр атрофида — тахминан битта автомобил катталигида. Агарда тўқнашув содир бўлганида ҳам у атмосферада тўлиқ ёниб кетган бўларди, дейилади хабарда.
Ушбу фазовий «меҳмон» 2013 йилнинг сентябрида ҳам Ерга яқинлашган. Кейинги қайтиши 2024 йилнинг май ойига тўғри келади, фақат у сафар жуда олис — 30 миллион километр наридан ўтиб кетади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter