Невролог Павел Хорошев Ura.ru нашрига берган интервюсида энергетик ичимликлар тана тўқималарининг озиқланиши билан боғлиқ муаммоларга олиб келиши ва қон босимини оширишини таъкидлади.

«Энергетик ичимликлар организмга яхши таъсир қилмайди, чунки улар уйқу ва уйғониш даврларини бузади, босимни ошириши мумкин. Улар одамларда диурезни бузади, яъни босим кескин кўтарилганда, тана уни туширишга ҳаракат қилади», — дейди Хорошев.

У қон томирларининг бўшашиши орқали босимнинг пасайишини тушунтирди. Тана айланма қон ҳажмини тиклашга ҳаракат қилади ва пешоб келиши кучаяди. 

«Натижада, организм кўп миқдорда суюқликни йўқотади ва қоннинг ёпишқоқлиги ошади, тўқималарнинг озиқланиши бузилади», — деб таъкидлади шифокор.

Хорошев, шунингдек, ҳайдовчиларни энергетик ичимликлар истеъмол қилмаслик ҳақида огоҳлантирди, чунки ичимлик саёҳат пайтида қувноқликни кафолатламайди. Бундан ташқари, шифокорнинг фикрига кўра, бу ҳолатда бахтсиз ҳодиса хавфи фақат ортади.

«Aввалига одам ҳаяжонланади, тезликни оширишга, кескин маневрларга мойил бўлади, бу еса бахтиз ҳодиса хавфини оширади», — дея қўшимча қилди невролог.