AҚШ Қирғизистоннинг Россия билан ноқонуний савдосини тўхтатиш учун унга қарши янги иқтисодий чоралар қўллашга тайёрланмоқда.

Бу ҳақда  Washington Post президент маъмуриятининг режалари билан таниш бўлган икки америкалик расмийга асосланиб ёзган. 

Нашрнинг ёзишича, AҚШ расмийлари шу ҳафтаданоқ чора кўришни бошлаши мумкин. 

Нашрнинг ёзишича, Қирғизистон Россияга Хитойнинг учувчисиз учоқлари каби икки мақсадли товарлар етказиб берилишини маъқуллайди.

AҚШ расмийлари томонидан қўллаб-қувватланган ҳисоботларга кўра, Қирғизистоннинг Россияга умумий экспорти 2022 йилда Украинага бостириб киришдан олдинги йилга нисбатан 250 фоизга ошган. Шунингдек, ушбу маълумотларга кўра, феврал ва март ойларида Қирғизистон компаниялари Хитой ва Жанубий Корея компанияларидан электроника, жумладан, ихтисослашган ярим ўтказгичлар ва кучланиш кучайтиргичларини – юз минглаб долларлик оммавий харидларни амалга оширган.

Ҳужжатлар шуни кўрсатадики, худди шу даврда Қирғизистондан Россияга тахминан бир хил турдаги электроника експорт қилинган. AҚШнинг юқори мартабали мулозимининг сўзларига кўра, товарларни олган рус фирмалари кўп ҳолларда Россия мудофаа саноатининг таниқли етказиб берувчилари бўлган.

Қирғизистоннинг Вашингтондаги элчихонаси WP сўровига жавобан мамлакат раҳбарияти контрабанда ва бошқа ноқонуний савдога қарши курашда халқаро қоидаларга риоя қилиш тарафдори эканини маълум қилди.