Андроид қурилмалар учун Xabar.uz мобил иловаси. Юклаб олиш ×

Олти марта судланган аёлга еттинчи марта жиноят иши қўзғатилди

Олти марта судланган аёлга еттинчи марта жиноят иши қўзғатилди

Бир марта "ўтириб", "зона"нинг аччиқ-чучугини тортганлар айримлар нега яна жиноятга қўл ураверади? Нима, номиёқ совуқ бўлган қамоқхонанинг "оҳанграбоси" борми?! Қайдам, қайдам...

Бу саволларга жавобни навоийлик Г.Ш.дан (аёл) сўраш керак. Чунки, у шу чоққача нақ олти марта судланди ва ҳар гал бир хил жиноят - фирибгарлик билан жавобгарлик тортилган. Бироқ айни пайтда унга айни савол билан мурожaат қилишнинг иложи йўқ. Негаки, унга нисбатан яна - ҳисоб бўйича еттинчи марта жиноят иши қўзғатилиб, тергов ҳаракатлари олиб борилмоқда.

Аёл бу сафар ҳам "эски ҳунари" - фирибгарликка қўл урган. Бош прокуратура матбуот хизматининг маҳкама ҳузуридаги департамент маълумотларига таяниб хабар беришича, аёл фуқаро М.Д.нинг ишончига кириб, ўғлини Навоий давлат педагогика институтига "киритиб қўйиш" ваъдаси билан 2100 АҚШ доллари ва 2 миллион сўм пулини қўлга киритган. Сезиб турганингиздек, "соққа"ни олган-у жуфтакни ростлаган...

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг