Ўпка саратонининг кутилмаган аломати аниқланди
Қўлтиқ остидаги шишлар ўпка саратонидан дарак бериши мумкин, дея хабар берди «Express» нашри «Cancer Research UK» ташкилотига таяниб.
Ташкилотнинг маълум қилишича, айниқса, қўлтиқ ости ёки бўйиндаги шишлар касалликнинг лимфа тугунларига ўтганини билдириши мумкин.
Шу билан бирга, «Cancer Research UK» лимфа тугунлари юқумли касалликларда ҳам катталашиши мумкинлигини таъкидламоқда.
«Шунга қарамай, шифокор текширувдан ўтказиб, бир қанча таҳлилларни олмагунча, шишларнинг пайдо бўлиш сабабига ишонч ҳосил қилолмайсиз», — дея огоҳлантиришмоқда мутахассислар.
«Express» нашрининг ёзишича, ўпка саратонининг нисбатан кам учрайдиган аломатларига, шунингдек, бармоқ суяги учлари қалинлашиши, ютинишга қийналиш (дисфагия) ёки ютинган пайтдаги оғриқ, овознинг бўғилиши, юз ёки бўйиндаги шиш, кўкрак қафаси ёки елкадаги доимий оғриқлар киради.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter