Ўзбекистон россиялик ҳамкорлар, жумладан «Газпром нефт» билан 2023 йилда 300 минг тонна нефт етказиб бериш бўйича келишувга эришди. Бу ҳақда 25 апрел, сешанба куни энергетика вазирлиги бош бошқармаси бошлиғи Адҳамжон Убайдуллаев маълум қилган.

«Биз россиялик ҳамкорларимиз билан доимий ишлаймиз, масалан, «Газпром нефт» билан 2023 йилда республикага 300 минг тонна нефт етказиб бериш бўйича келишувга эришилди», – деЙди Убайдуллаев Тошкент шаҳрида бўлиб ўтаётган «Иннопром. Марказий Осиё» саноат кўргазмаси доирасидаги тадбирда.

Унинг сўзларига кўра, Россиянинг бошқа компаниялари, хусусан, «Татнефт» билан унинг республикадаги фаолиятини кенгайтириш бўйича музокаралар олиб борилмоқда.

Убайдуллаев, шунингдек, Ўзбекистондаги нефт ва газ компанияларининг 30 фоиздан ортиғи Россия капитали иштирокида ташкил этилганини айтди.

«Бугунги кунда республика нефт-газ саноатининг энг йирик инвестори «Лукойл» компанияси бўлиб, маҳсулот тақсимоти бўйича келишув асосида амалга оширилган иккита лойиҳага 10 миллиард доллардан ортиқ маблағ киритган», – дейди А.Убайдуллаев.