Ўзбекистон — Қозоғистондаги хорижий компаниялар сони бўйича учинчи ўринда
Қозоғистонда рўйхатга олинган чет эл билан ҳамкорликдаги ҳамда хориж компаниялари сони жадал ошиб боряпти. 2022 йил ноябрида шундай компаниялар сони 45 827 та бўлган бўлса, ҳозирга келиб 59 351 тага етди, деб хабар берди, Zakon.kz.
Мамлакат миллий статистика идораси маълумотига кўра, хориж компанияларининг катта қисми — Россия компаниялари, уч йилда уларнинг сони 17 138 тадан 23 533 тага (18 978 таси фаолият юритмоқда) етган.
Иккинчи ўринда — Туркия компаниялари. Уч йил ичида уларнинг сони 5 444 тага (3 605 таси фаолият юритмоқда).
Ўзбекистонлик тадбиркорлар Қозоғистонда фаолият юритаётган чет элликлар рейтингида — учинчи ўринда. Қўшни мамлакатда Ўзбекистоннинг 5 217 та компанияси рўйхатга олинган бўлиб, 3 829 таси фаолият юритмоқда. Шунингдек, икки мамлакат иштирокидаги 638 та қўшма корхона рўйхатга олинган бўлиб, уларнинг 473 таси фаолият юритяпти.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter