Путин Петербургдаги портлашни теракт деб атади
Россия Федерацияси Президенти Владимир Путин Петербург супермаркетида содир этилган портлашни террор хуружи деб баҳолади. Бу ҳақда у 28 декабр куни Суриядаги жангларда иштирок этган ҳарбий хизматчиларга давлат мукофотларини топшириш маросимида маълум қилди.
— Биласизми, кеча Петербургда террорчилик ҳаракати амалга оширилди, — деди Путин. Шунингдек, у Федерал хавфсизлик хизмати директори Александр Бортниковга портлашга алоқадор бўлган «қароқчиларни» қонун доирасида қўлга олиш бўйича топшириқ берди.
Сўнгги маълумотларга кўра, портлаш оқибатида 13 киши жароҳат олган, 6 нафари шифохонада даволанмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter