Қирғизистон президенти масжидда намоз ўқиб, ифторлик берди
Қирғизистон президенти Садир Жапаров 15 март куни Бишкек шаҳридаги Имом Сарахсий номли марказий жоме масжидга ташриф буюрди. У масжидда намоз ўқиди ва рўзадорларга ифторлик қилиб берди.
Қирғизистон президентининг матбуот котиби Асқад Алагўзовга кўра, давлат раҳбари муқаддас Рамазон ойи бошланиши муносабати билан барчани табриклаган. У мусулмонларни диний билимларни махсус билимга эга уламолардан ўрганишга чорлаган.
С.Жапаров, шунингдек, мамлакатда болалар орасида қизамиқ касаллиги тарқалиши кўпайганидан хавотир изҳор қилган. Ушбу хасталикка чалинган болаларнинг аксари эмланмагани аниқланган. Шунга кўра сиёсий етакчи болаларни эмлашнинг муҳимлигини таъкидлаган.
Қирғизистон раҳбари ўз табриги сўнггида Аллоҳ таолодан рўзадорларнинг ибодатлари қабул бўлиши, қирғиз халқига тинчлик ҳамда фаровонлик беришини сўраган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter