Самарқандда ЙТҲга ҳайдовчининг ухлаб қолгани сабаб бўлган
16 май, шанба куни соат 04:30 ларда Пахтачи тумани ҳудудидан ўтувчи М-37 «Самарқанд–Бухоро–Туркманбоши» автомобил йўлининг 118-километрида ҳайдовчи «FAV»русумли автомобилни Самарқанд–Навоий йўналишида бошқариб кетаётиб, ухлаб қолиши оқибатида рул бошқарувини йўқотган.
Оқибатда ўзи билан бир йўналишда йўл четида тўхтаб турган «Sinotruk Howo» русумли юк автомобилининг чап ён қисмига урилган.
Шундан сўнг ҳаракатни тўхтата олмасдан, шу йўналишда олдинда тўхтаб турган бошқа бир юк автомобилининг орқа қисмига келиб урилиши оқибатида йўл-транспорт ҳодисаси содир этган.
Ҳодиса оқибатида ҳар икки юк транспорт воситаларида ёнғин юзага келган. Ёнғин ФВБ ходимлари томонидан зудлик билан бартараф этилган.
Ҳолат сабабли тан жароҳати олганлар ва вафот этганлар йўқ.
Мазкур ҳолат юзасидан Пахтачи тумани ИИБ ЖХХ ЙҲХГ томонидан дастлабки суриштирув ишлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter