2021 йил 11 январь кунидан бошлаб Сергели ва Янги ҳаёт туманлари орқали ҳаракатланувчи 7 та автобус йўналишлари фаолиятини мувофиқлаштириш белгиланди. Бу ҳақда «Тошшаҳартрансхизмат» матбуот хизмати хабар берди.

Жумладан, ишлаб чиқилган режага мувофиқ:

• 8-сонли «Сергели 7-даҳаси – Чилонзор 25-даҳаси», 132-сонли «Сергели 7-даҳаси – Гулобод кўчаси» автобус йўналишларини ёпиш;
• 32-сонли «Эркин қўрғони – Гулобод кўчаси», 80-сонли «Сергели 7-даҳаси – М.Юсуф кўчаси», 131-сонли «Дўстлик 2-мавзеси – Олимпия мавзеси», 133-сонли «Янги Сергели маҳалласи – Чилонзор метроси» автобус йўналишлари ҳаракатини қисқартириш;
•  38-сонли «Сергели 7-даҳаси – Ўзбекқишлоқмаш заводи» автобус йўналиши ҳаракатини узайтириш белгиланди.

Юқорида келтирилган 7 та автобус йўналишлари фаолиятини мувофиқлаштириш ишлари натижасида йўналишлардан бўшаган 25 та (шундан 18 та катта сиғимли ва 7 та кичик сиғимли) автобуслар йўловчилар оқими кўп бўлган ва автобуслар сони етишмаётган йўналишларни ҳаракат таркиби билан тўлдириш йўналтирилади.

Қайд этилишича, ушбу ўзгаришлар Сергели метрополитен йўлининг ишга тушиши билан боғлиқ.