Шаҳрам Ғиёсов IBF Шимолий Америка камарини қўлга киритди
Профессионал бокснинг ўзи учун янги — супер енгил вазн тоифасига ўтган юртдошимиз Шаҳрам Ғиёсов (13-0, 9 КО) 7 майдан 8 майга ўтар кечаси Лас-Вегасда (АҚШ) навбатдаги жангини ўтказиш учун рингга кўтарилди.
Мексикалик Кристиан Гомес (22-2-1, 20 КО) Ғиёсовнинг навбатдаги рақиби бўлди. 10 раундли жанг тўлиқ давом этди. Боксчимиз якунда очколар эвазига (99-88, 99-88, 98-89) ғалабага эришиб, IBF Шимолий Америка камарини қўлга киритди.
Бу Шаҳрам Ғиёсовнинг профессионал рингдаги 13-ғалабаси. Шулардан тўққизтасида рақибларини нокаутга учратган.
Ушбу бокс оқшомида яна бир ўзбекистонлик боксчи Элнур Абдураимов кубалик енгилмас рақибини 2-раунддаёқ рингга қулатиб, эрта ғалабани нишонлаганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter