Андроид қурилмалар учун Xabar.uz мобил иловаси. Юклаб олиш ×

Таниқли шарҳловчи Даврон Файзиев ЎФАда иш бошлади

Таниқли шарҳловчи Даврон Файзиев ЎФАда иш бошлади

Таниқли шарҳловчи Даврон Файзиев ЎФА тизимида иш бошлади. У Матбуот ва медиа департаменти директори сифатида фаолият юритади.

Ўзбекистон футбол ассоциациясининг ОАВ билан ишини янада самарали йўлга қўйиш, матбуот ва медиа департаменти иш фаолиятини яхшлаш, терма жамоалар ва миллий футболимизга оид янгилик ва хабарларнинг тезкорлик билан холис тарзда етказиб берилишини таъминлаш мақсадида ЎФА матбуот ва медиа департаментига янги директор тайинланди.

Эндиликда таниқли шархловчи, ўзбек журналистикасида ўз ўрнига эга, хусусан спорт журналистикасида ном қозонган Даврон Файзиев ЎФА матбуот ва медиа департаментига раҳбарлик қилади.

«Ўзбек футболини ривожлантириш йўлида ЎФАнинг ҳар бир департаментида ўз ишининг профессионаллари фаолият олиб бориши талаб этилади. Шу боисдан Ўзбекистон футбол ассоциациясининг ОАВ ва мухлислар билан ўзаро алоқаларини янги босқичга олиб чиқилиши, турли ёшдаги терма жамоаларимизнинг фаолияти тўлиқ хамда кенг ёритилишини таъминлашда ушбу соҳанинг етук мутахассисларидан бири саналувчи Даврон Файзиевга ишонч билдирамиз», — дея таъкидлади Равшан Эрматов.

Xabar.uz'га маълум қилинишича, Даврон Файзиев шу билан бирга UzReport TV ва Futbol TV каналлари билан ижодий ҳамкорликни давом эттиради.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг