Беларусь мухолифати лидери Путин билан учрашишни истамоқда
Беларусь мухолифати етакчиси Светлана Тихановская Россия президенти Владимир Путин билан учрашишни истайди. Бу ҳақда «Радио Свобода Украина» хабар берган.
Тихановская Беларусь масаласида расмий Москва позициясини эшитишни хоҳламоқда.
«Табиийки, биз қўшнилармиз ва келгусида ҳам ўзаро муносабатларни давом эттирамиз», - деди сиёсатчи. Тихановскаянинг сўзларига кўра, Беларусь халқи Россиядан президент Александр Лукашенко режимининг қўллаб-қувватлашни эмас, балки белорус халқи бўйича баёнотларни ва келажакни биргаликда қуриш истагини кутмоқда.
Аввалроқ, Путиннинг матбуот котиби Песков Тихановская билан қандайдир алоқа ўрнатиш ниятлари йўқлигини баён этганди.
Эслатиб ўтамиз, жорий йил 9 августдан буён Беларусда намойишлар тўхтатгани йўқ. Улар амалдаги президент Лукашенкони ҳокимиятни топширишга даъват этишмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter