Андроид қурилмалар учун Xabar.uz мобил иловаси. Юклаб олиш ×

Тошкентда «Lacetti» ЙПХ ходимини уриб юборди

Тошкентда «Lacetti» ЙПХ ходимини уриб юборди

Фото: ИИББ

Тошкент шаҳар ИИББ хабар беришича, йўл ҳаракати хавфсизлиги инспектори, катта сержант Салим Умаров 1 сентябр куни соат тахминан 19:00 да Миробод туманидаги Шаҳрисабз кўчасида навбатчилик қилаётган эди.

«Grand Mir» меҳмонхонасидан унча узоқ бўлмаган жойда у ҳужжатларни текшириш учун 25 ёшли Жаҳонгир Б. бошқарувидаги «Captiva»  русумли автомашинани тўхтатиб, ҳужжатларни текширади. Катта сержант ҳужжатларни текшириб бўлиб, ҳайдовчига қайтариб беради ва транспорт воситасини айланиб ўтиб, йўл четига қараб юради...

Шу вақтда «Lacetti» русумли автомашинани ишончнома асосида бошқариб кетаётган 19 ёшли Темурбек М. бошқарувни йўқотиб, тўхтаб турган «Captiva»  билан тўқнашади ва ҳаракатни давом эттириб, ЙПХ ходимини ҳам уриб кетади.

Ҳодиса натижасида 30 ёшли инспектор Салим Умаров тан жароҳатлари олиб, касалхонага ётқизилган. Ҳозирда у реанимацияда.

Ҳолат бўйича терговга қадар текширув олиб борилмоқда. Тўпланган материаллар қонуний чора кўриш учун прокуратура органларига юборилади.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг