Трамп энг кучли сунъий интеллектли суперкомпютерга $500 млрд ажратди
АҚШ президенти Доналд Трамп Stargate лойиҳасига $500 млрд ажратди. Ушбу лойиҳа сунъий интеллект учун инфратузилмани ривожлантиришга қаратилган.
Лойиҳа OpenAI, SoftBank, Oracle, Microsoft ва NVIDIA сингари йирик техногигантлар иштирокида амалга оширилади.
Ташаббус 100 мингдан ортиқ ишчи ўрни яратилишига ва Хитой асосий рақобатчи саналган глобал технологиялар пойгасида АҚШнинг мавқеини мустаҳкамлашга хизмат қилади.
АҚШнинг турли штатларида дата-марказлар ва тадқиқотлар олиб борилувчи кампуслар барпо этилади, Техасда илк объектлар қурилиши бошлаб юборилган.
OpenAI раҳбари Сэм Алтман бунчалик кенг кўламли лойиҳани фақат АҚШ уддалашини таъкидлади. SoftBank бош директори Масайоши Сон қўшимча қилишича, сунъий интеллект ривожлантирилиши нафақат тадбиркорликни ривожлантириш, шунингдек, халқаро муаммоларни ҳал этишда муҳим аҳамиятга эга.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter