АҚШ президенти Доналд Трамп Россия ва Украина президентлари Владимир Путин ва Владимир Зеленскийнинг эҳтимолий учрашувида қатнашмасликни маъқул кўришини айтди.

Бироқ АҚШ раҳбари ҳали якуний қарор қабул қилгани йўқ. 

“Путин ва Зеленский биргаликда ишлай оладими ёки йўқлигини кўрамиз”, деди у Оқ уй тарихи музейига ташрифи чоғида (CNBC телеканалининг Youtube каналида эфирга узатилган).

"Мен у ерда бўлишим кераклигини ўйлаб кўрамиз", деди АҚШ раҳбари. Жаноб Трампнинг таъкидлашича, Россия ва Украина президентлари “аниқ сабабларга кўра унчалик яхши тил топишмайди”. 

Аввалроқ, Россия ташқи ишлар вазири Сергей Лавров Владимир Путин Владимир Зеленский билан учрашишга тайёрлигини, аммо ҳозирча бундай режалар йўқлигини айтди. ТИВ раҳбари бу учрашув музокаралар кун тартиби тайёр бўлгач бўлиб ўтишини тан олди.

Доналд Трамп эса 18 август куни Вашингтонда Украина президенти билан бўлиб ўтган музокарадан сўнг Владимир Путин ва Владимир Зеленский ўртасидаги учрашувга тайёргарлик кўра бошлаганини айтди.