Трамп хорижга илк ташрифини қайси давлатдан бошлаши маълум бўлди
АҚШ президенти Доналд Трамп 13–16 май кунлари Саудия Арабистони, Қатар ва Бирлашган Араб Амирликларига ташриф буюради. Бу ҳақда Оқ уй матбуот котиби Кэролайн Ливитт баёнот берди.
Биринчи галда Саудия Арабистонига бориши мумкинлигини Трампнинг ўзи 1 апрел куни айтганди. Қолаверса, рўйхатда Яқин Шарқнинг бошқа мамлакатлари, жумладан, Қатар ва БАА борлигини ҳам қўшимча қилганди.
Трампнинг илк хорижий ташрифи Саудия Арабистонидан бошланиши АҚШнинг Форс кўрфази мамлакатлари билан алоқалари, айниқса, иқтисодий ҳамкорлик ва сармоялар борасида, мустаҳкамланаётганидан далолатдир.
Эслатиб ўтамиз, Доналд Трамп олдинги муддат президентлигида ҳам биринчи бўлиб Саудия Арабистонига келганди, чунки бу мамлакат АҚШдан 450 млрд долларлик маҳсулотларни харид қилишга розилик берганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter