«Ту-160» самолётлари янги жаҳон рекорди ўрнатди
Россиянинг товушдан тез учувчи «Ту-160» бомбардимончи самолётлари 19 сентябрь куни янги жаҳон рекорди ўрнатгани ҳақида «РИА Новости» хабар берди. Бу ҳақда РФ Ҳаво-космик кучлари узоқ парвозлар қўмондони, генерал-лейтенант Сергей Кобилаш журналистларга маълум қилган.
«Бугун узоқ парвозлар икки экипажи «Ту-160» стратегик ракета ташувчиларида узоққа парвоз қилиш ва парвоз давомийлиги бўйича янги рекорд ўрнатишди. Россия ҲКК учувчилари 25 соатдан кўпроқ вақт ҳавода бўлиб, 20 минг километрдан ортиқ масофани учиб ўтишди», — деди Кобилаш. Унинг таъкидлашича, ушбу тоифа самолётларда ҳали ҳеч ким бундан узоқ учган эмас.
Хабарга кўра, 24 соату 24 дақиқалик олдинги рекорд ҳам «Ту-160» томонидан ўрнатилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter