Жо Байден ҳузурига киришга уринган қуролланган эр-хотин қўлга олинди
АҚШ пойтахти Вашингтон шаҳрида қуролланган эр-хотин Жо Байденга хат етказиб беришга уриниш вақтида қўлга олинди. Fox Newsнинг маълумот беришича, 13 февраль куни 66 ёшли эркак қуролланган ҳолда Оқ уй назорат пунктига яқинлашган. У қўриқчиларга АҚШ Президенти учун хат олиб келганини маълум қилган.
Унинг аёли эса рўйхатдан ўтмаган қурол олиб юргани сабабли махфий хизмат ходимлари томонидан ҳибсга олинган. Шубҳали шахсларнинг мақсади тўлиқ ёритилмаган.
Маълумот ўрнида айтиб ўтиш жоизки, Жозеф Байден Қўшма Штатлар Конгрессини қурол-яроғдан фойдаланишини тартибга солувчи қонунларни ислоҳ қилишга чақирган эди. Байденга кўра, қурол сотишдан олдин харидорнинг тарихини текшириш керак. У ҳарбий қуролни оддий фуқароларга сотадиган корхоналар хатти-ҳаракати учун жавобгаргарликка тортилиши шарт деб ҳисоблайди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter