Малайзияда велоспортнинг трек йўналиши бўйича ёшлар ва катталар ўртасидаги Осиё чемпионати ўз якунига етди. Унда спортчиларимиз юқори натижаларни қайд этиб, 3 та олтин ва 5 та бронза медалларига сазовор бўлишди.

Ҳамюртимиз Самира Исмоилова мазкур мусобақа кашфиётларидан бирига айланди. Исмоилова турнир давомида 2 та олтин ва 2 та бронза медални қўлга киритишдан ташқари, яккалик таъқиб пойгаси дастуридаги ёшлар ўртасидаги Осиё ва жаҳон рекордини ўрнатди. Спортчимиз 3 000 метр масофани 3:46.800 дақиқада босиб ўтди.

Ғолиб ва совриндорлар:

Олтин медал:

• Катталар: Дмитрий Бочаров, скретч
• Ёшлар: Самира Исмоилова, омниум
• Ёшлар: Самира Исмоилова, яккалик таъқиб пойгаси (Осиё ва жаҳон рекорди)

Бронза медал:

• Ёшлар: Самира Исмоилова, очколар учун гуруҳ пойгаси
• Ёшлар: Самира Исмоилова ва Надежда Бартенева, жуфтлик медисон
• Катталар: Асал Ризаева ва Нафосат Қозиева, жуфтлик медисон
• Катталар: Нафосат Қозиева, омниум
• Катталар: Нафосат Қозиева, очколар учун гуруҳ пойгаси.