Венсан Кассель аварияга учради
Таниқли француз актёри Венсан Кассель ЙТҲ га учраб касалхонага тушиб қолди. Франция жануби-ғарбидаги Арбонн қишлоғида скутердан йиқилиб тушган, деб ёзмоқда «Mirror».
Воқеа жойидан уни тез ёрдамда олиб кетишди. Шлем кийиб олганига қарамай, юзидан жароҳат олган. Орадан бир неча кун ўтиб, унинг ўзи ижтимоий тармоқда кўриниш берди: инстаграмда видео жойлади.
«Ҳеч қачон каркидон бўлишга уринманг», — ҳазиллашди актёр видеога ёзган изоҳида.
53 ёшли Венсан Кассель давримизнинг энг истеъдодли актёрларидан саналади. «Бўрилар ҳукмдори», «Давлат душмани», «Соҳибжамол ва махлуқ», «Қора оққуш», «Қизил дарёлар» каби фильмлари орқали томошабинларга яхши таниш.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter