XVII асрда қирилиб кетган додо қуши тирилтирилади
АҚШнинг Colossal Biosciences стартапи XVII асрда қирилиб кетган додо қушини етти йил ичида қайта тирилтиришни режалаштирмоқда. Бу ҳақда Bloomberg хабар берди.
Компания лабораторияда додонинг узоқ қариндоши — каптарларнинг бирламчи жинсий ҳужайраларини ўстира олганини маълум қилди.
«Додони тирилтириш» учун стартап $120 млн жалб қилиб, молиялаштиришни $555 млнга етказди, компаниянинг ўз қиймати эса $10,3 млрдга етди. Маблағнинг бир қисми Техасда қушларни ўрганиш маркази қурилишига сарфланади.
Аввалроқ шу компания «қўрқинчли бўри»ни тирилтирган эди. Бунинг учун ўша бўриларнинг тошга айланган қолдиқларидан намуна олиниб, ҳозирги кулранг бўриларнинг генларидан фойдаланилган. Натижада ҳозирги бўрилардан 20-25 фоиз каттароқ бўрилар дунёга келтирилди. Аммо лойиҳа баҳсларга сабаб бўлган, мухолифларнинг таъкидлашича, ҳақиқий «қўрқинчли бўрилар» кулранг бўриларнинг аждоди эмас, балки узоқ қариндошидир.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter