Бугун, 31 октябрь куни соат 06дан 26 дақиқа ўтганда Тошкент шаҳри Юнусобод тумани 15-даҳасидаги кўп қаватли 23-уйнинг 31-хонадонида ёнғин бўлаётганлиги ҳақида ёнғин-қутқарув хизматига хабар келиб тушган.

Ўзбекистон Республикаси ФВВ ЁХББ ОАВ билан ҳамкорлик қилиш бўлинмаси хабарига кўра, воқеа жойига 2 та ёнғин ўчириш техникалари юборилган. Бўлинмалар кўрсатилган манзилга 7 дақиқада етиб борган. Кўрилган тезкор ҳаракатлар натижасида ёнғин соат 06:44 да ўчирилган.

Ёнғинни бартараф этиш вақтида ушбу хонадонга меҳмонга келган икки нафар фуқаро: 1955 й.т. фуқаро В.Г. ва 1949 й.т. фуқаро Л.Г. ёнғин ўчирувчилар томонидан қутқарилган (ҳозирда аҳволи қониқарли).

Ёнғиндан уйнинг 45 кв.метр майдони сақлаб қолинган. Тан жароҳати олган ва ҳалок бўлганлар йўқ.

Ёнғин оқибатида уйнинг 5 кв.метр майдонда хона жиҳозлари ёниб зарарланган. Ҳодисага маст ҳолда сигарета чекиб, ухлаб қолиш сабаб бўлгани тахмин қилинмоқда. Моддий зарар миқдори аниқланмоқда.