«Замин» фонди Васийлик кенгаши раиси «International inclusive hub»га ташриф буюрди (фото)
«Замин» фонди Васийлик кенгаши раиси «International inclusive hub» — Ўзбекистонда инклюзив жамиятни ривожлантиришга кўмаклашувчи ижтимоий-жамоатчилик маконига ташриф буюрди.
Ҳаб ўз фаолиятини инклюзив профессионал таълим дастурларини такомиллаштиришга қаратилган лойиҳа билан бошлади.
Зироат Мирзиёева ҳабнинг ривожланиш стратегияси, ишга жойлаштириш, инклюзив маҳалла лойиҳалари, маълумотлар таҳлили асосида ўқувчининг касбий йўналишини аниқловчи рақамли шахсий картаси — LMS платформаси билан танишди, «Халқаро имо-ишора тили» дарсида қатнашди.
Самимий муҳитда меҳмонлар ўқувчи ёшлар билан суҳбатлашди, улар эса ўз ғоялари ва олган кўникмалари ҳақида сўзлаб беришди.
Ташриф якунида меҳмонлар ҳеч кимни ортда қолдирмасдан тўсиқларни енгиб ўтишнинг эзгу намунаси бўлган «Кундалик ҳаёт театри» фотокўргазмаси ва «Кичкина шаҳзода» инклюзив саҳна кўринишидан ёрқин таассурот олдилар.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter