Зеленский Швейцарияда Трамп билан музокара ўтказади. Уиткоффни эса Москвада кутишяпти
Украина президенти Владимир Зеленский Жаҳон иқтисодий форуми бўлиб ўтаётган Швейцарияга етиб келди. АҚШ президенти Дональд Трамп билан режалаштирилган учрашув маҳаллий вақт билан тахминан соат 13:00 да (Тошкент вақти билан 17:00) бошланиши кутилмоқда.
Шу билан бирга, АҚШ президентининг махсус вакили Стив Уиткофф ҳамда Дональд Трампнинг куёви Жаред Кушнер пайшанба куни кечқурун Москвага етиб бориб, Россия президенти Владимир Путин билан музокаралар ўтказиши режалаштирилган.
Россия президенти матбуот котиби Дмитрий Песковнинг «РИА Новости»га маълум қилишича, делегация Москвага кечқурун келади.
«Аниқ вақтни айта олмайман, аммо бу албатта соат етти-саккизлардан кейин бўлади», – деди Песков.
Унинг таъкидлашича, музокараларнинг асосий мавзуси Украина масаласини тартибга солишга оид мавзуга бағишланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter