Зеленскийнинг уйи яқинида пулемёт билан қуролланган гуруҳ қўлга олинди
Украинанинг Киев области, Иванковичи қишлоғидаги уйлардан бири яқинида бир гуруҳ қуролланган шахслар қўлга олинди. Украина давлат электрон декларациялар ягона реестри маълумотларига қараганда ушбу уй Украина президентлигига номзодини қўйган Владимир Зеленскийга тегишлидир.
Хабар қилинишича, номаълум шахслар автомобилнинг орқа ўриндиғига ДШК пулемётини ўрнатиб олишган ва ўрмонда бекиниб, пайт пойлаб туришган. Уларнинг барчаси Украина полицияси томонидан қўлга олинган.
Терговда айтилишича, қуролланган шахслар «қасд олиш мақсадида қотиллик қилиш»га тайёрланаётган бўлган.
Ўз навбатида бош прокурор Юрий Луценконинг таъкидлашича, қуролланган шахслар Львов шаҳрида истиқомат қиладиган жиноят оламида таниқли бўлган одамни кутаётган бўлган. Уларнинг Владимир Зеленскийга ҳеч қандай алоқаси бў лмаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter