Ўзбекистон ҳукумати делегациясининг Чехияга расмий ташрифи доирасида бугун Прага шаҳрида Ўзбекистон-Чехия бизнес форуми ўтказилди.

Икки мамлакат бош вазирлари иштирок этган бизнес-форумда мамлакатимизда президент Шавкат Мирзиёев бошчиликларида ишбилармонлик муҳитини янада яхшилаш, хусусий тадбиркорликни қўллаб-қувватлаш борасида амалга оширилаётган кенг қамровли чора-тадбирлар моҳияти ҳақида сўз юритилди.

Бизнес-форум якунлари бўйича муҳим икки томонлама ҳужжатлар қабул қилинди ва имзоланди. Хусусан, улар орасида қуйидагилар бор:

• сиёсий, савдо-иқтисодий, инвестициявий ва маданий-гуманитар соҳаларда ишончни ошириш орқали икки томонлама муносабатларни чуқурлаштириш истиқболларини назарда тутувчи кенгайтирилган ҳамкорликни ўрнатиш тўғрисидаги Қўшма декларация;
• Ўзбекистон Республикаси Ҳукумати билан Чехия Республикаси Ҳукумати ўртасида Шахсларнинг реадмиссияси ва транзити тўғрисида Битим;
• Ўзбекистон Республикаси Ҳукумати билан Чехия Республикаси Ҳукумати ўртасида Дипломатик паспорт эгаларини виза талабларидан озод этиш тўғрисида Битим ва бошқалар.