Aмерика Кубоги-2021 барча ярим финалчилари аниқланди. Бразилия Перу билан ўйнайди, Aргентина эса Колумбия билан учрашади.

6 июль, сешанба соат 04.00 (Тошкент вақти билан). Бразилия — Перу.

7 июль, чоршанба соат 06.00 (Тошкент вақти билан). Aргентина — Колумбия.

Учрашувлар Бразилияда бўлиб ўтади. Aргентиналиклар Манэ Гарринчи номли миллий стадионда Колумбия, Бразилия эса «Олимпико Нилтон Сантос»да Перу билан тўқнаш келади.

Чорак финалда Перу Парагвайни мағлуб этди (4:3), Бразилия Чилини енгди (1:0), Колумбия Уругвай билан голсиз дуранг ўйнади, аммо пенальтилар сериясида ғалаба қозонди (0:0, 4:2 пенальти), Aргентина терма жамоаси эса Эквадорга ҳеч қандай имконият қолдирмади (3:0).

Лионель Месси турнирнинг энг яхши тўпурари бўлиб, беш учрашувда тўртта гол урди. Aмерика кубогининг амалдаги чемпиони Бразилия терма жамоаси ҳисобланади: у тўққиз марта Жанубий Aмерика чемпионлигини қўлга киритган.

Турнир 13 июнь куни бошланди. Якуний учрашув 10 июль куни бўлиб ўтади.