Goal нашри Килиан Мбаппенинг «ПСЖ»дан «Реал Мадрид»га ўтишини Европа ўтган футбол мавсумининг энг омадли трансфери, дея баҳолади.

Чунки Франция терма жамоаси ҳужумчиси бепул қўлга киритилди, биринчи мавсумидаёқ кутилган умидларни қайсидир жиҳатдан оқлади ва «Олтин бутса»га сазовор бўлди.

Энг омадли харидлар рўйхатида иккинчи ўринда Жоау Невешнинг «Бенфика»дан «ПСЖ»га ўтиши кўрсатилди.

Энг яхши трансферлар учлигига Майкл Олисе ҳам кирди, француз футболчисини «Бавария» «Кристал Пэлас» (Англия)дан 50 млн фунтга сотиб олди.

Экспертларнинг фикрича, энг яхши трансферлар топ-10лигига қуйидагилар ҳам кирди:

• Скотт Мактоминей — «МЮ»дан «Наполи»га — 26 млн фунт стерлинг
• Дезире Дуэ — «Ренн»дан «ПСЖ»га — 42 млн фунт
• Мэйсон Гринвуд — «МЮ»дан «Марсел»га — 27 млн фунт
• Ромелу Лукаку — «Челси»дан «Наполи»га — 25 млн фунт
• Виктор Осимхен — «Наполи»дан «Галатасарой»га — ижара
• Серу Гирасси — «Штуттгарт»дан «Боруссия Дортмунд»га — 15 млн фунт
• Матео Ретеги — «Женоа»дан «Аталанта»га — 24 млн фунт.