Европа лигаси финали олдидан ишкал чиқди
Испания полицияси бугун Севиля шаҳрида Германиянинг «Айнтрахт» жамоаси 5 мухлисини ҳибсга олган. Немис фанатлари Европа лигаси финали олдидан Шотландиянинг «Рейнжерс» клуби ишқибозларига ҳужум қилган.
Хабарга кўра, немис мухлислари шотландларга қарата олов отишган. Тўқнашувда «Айнтрахт»нинг 200 га яқин фанати иштирок этган. Воқеа жойига полициянинг қўшимча кучлари ташланган ва улар назоратни қўлга олиш учун ҳавога бир неча марта ўқ узишга мажбур бўлишган.
Финал ўйинини ташкил қилиш учун шаҳарга 5,5 мингдан ортиқ полиция ходими жалб қилинган. Тартибсизликлар оқибатида 1 нафар шотланд мухлиси бошидан жароҳат олган.
Эслатиб ўтамиз, бугун тунда Европа лигасининг финал ўйини бўлиб ўтади. Унда «Айнтрахт» ва «Рейнжерс» жамоалари куч синашади. Мазкур ўйинга доир превьюни бу ерда ўқишингиз мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter