Франк Рибери футболчилик фаолиятини якунлади
Европа чемпионлар лигаси ғолиби, франциялик яримҳимоячи Франк Рибери футболчилик фаолиятини якунлади. Бу ҳақда у Instagram орқали хабар берди.
«Тўп тўхтайди, менинг туйғуларим эса — аксинча. Мана шу ажойиб саргузашт учун барчага раҳмат», — деб ёзди Рибери тўрт тилда (француз, немис, инглиз, италян тилларида).
2022/2023 йиллар мавсумини 39 ёшли Рибери Италиянинг «Салернитана» жамоасида бошлаганди.
Франк Рибери Мюнхеннинг «Бавария» жамоасидаги ўйинлари билан кўпроқ эсда қолади. Ушбу жамоа билан 2012/2013 йиллар мавсумида Европа чемпионлар лигасида ва Клублар ўртасидаги жаҳон чемпионатида, 2013 йилда УЕФА Суперкубогида зафар қучган, 9 марта Германия чемпионати ғолиби бўлган. Франция терма жамоаси таркибида 2006 йилги жаҳон чемпионати кумуш медалини қўлга киритган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter