2020 йилда «Ливерпуль» 30 йиллик танаффусдан кейинги чемпионликни пандемия сабаб мухлисларсиз нишонлаганди. Бу сафар эса Мерсисайдда «ҳақиқий байрам» бўлиши кутиляпти.

Айни пайтда жамоа Арне Слот бошчилигидаги «Ливерпуль» АПЛда иккинчи ўриндаги «Арсенал»дан 13 очко олдинда ва чемпионликка жуда яқин турибди. Ҳозирги пайтда савол «чемпион бўладими?» эмас, «қайси куни чемпион бўлади?» деган саволга айланган.

Чемпионат тугашига фақат 6 тур қолди. Бу деярли ҳаммаси ҳал бўлганини англатади.

Жамоа қачон чемпион бўлиши мумкин? Эҳтимолий саналарни кўриб чиқамиз:

1. 20 апрель (якшанба).

19 апрель куни «Арсенал» «Ипсвич»га ютқазса

20 апрель куни «Ливерпуль» «Лестер»ни ютса

Бу натижалар «Ливерпуль»нинг чемпионлигини расман таъминлайди.

Лекин бунинг эҳтимоли паст.

2. 23 апрель (чорашанба).

«Арсенал» «Кристал Пэлас»га ютқазса

«Ливерпуль» ўша куни ўйин ўтказмаса ҳам, чемпион бўлади.

Бу таҳмин «Арсеналнинг» ҳамшаҳарлари билан ўйиндаги натижасига боғлиқ.

3. 27 апрель (якшанба).

«Ливерпуль» бу ўйингача 2 та ўйинда ғалаба қозонса, «Тоттенхэм»га қарши учрашувдаги ютуқ билан чемпионликни расман қўлга киритади.

Ўз майдонида, мухлислар кўз ўнгида, эҳтимол энг катта байрам шу куни бўлади.

4. 11 май.

Агар «Ливерпуль» ушбу тургача очко йўқотса ва «Арсенал» очко йўқотмаса, чемпионлик «Ливерпуль – Арсенал» ўйинида ҳал бўлиши мумкин

Аммо бундай бўлиши қийин.

5. 18 ёки 25 май.

Агар ишлар чўзилса, чемпионлик «Брайтон» ёки «Кристал Пэлас»га қарши ўйинда ҳал бўлиши мумкин

Аммо бу вариантларнинг эҳтимоли жуда паст.

Хулоса:

«Ливерпулнинг» чемпион бўлиши учун энг катта имконият —

27 апрель (якшанба куни), «Тоттенхэм»ни ютса, расман чемпион!

Шунингдек, 23 апрель куни ҳам «Арсенал» мағлуб бўлса, «Ливерпуль» чемпион бўлиши мумкин.